اسلام آباد 16 نومبر (اے پي پي) د خارجه دفتر وياندې ممتاز زهره بلوچ وئيلي دي د ازبکستان نائب وزيراعظم ډاکټر جمشيد خدجائيف عبدوخاکومووچ او صحت او تجارت لپاره د افغان عبوري حكومت وزير نورالدين عزيزي د تجارت پحقله وړومبۍ د پاکستان۔افغانستان۔ازبکستان درې اړخيزه غونډه كښې ګډون لپاره د روانې اوونۍ په پېل كښې د پاكستان دوره كړې وه ۔ د زيارت په ورځ د پرېس بريفنګ په مهال دې ووئيل په غونډه كښې د پاكستاني پلاوي مشري د تجارت وفاقي وزير ډاکټر ګوهر اعجاز كړې٬ د خبرو اترو محور تجارتي خنډان لرې كول٬ د كسټم طريقه كار وضعه كول او د ټرانزټ ټرېډ اسانولو د لارې تجارتي اړيكو ته وده وركول وو۔ وياندې ووئيل وفاقي وزير دا هيله څرګنده كړې چې درې اړخيزه مرسته به په دريو واړو هېوادونو كښې اقتصادي ترقۍ ته وده وركړي۔ د ازبکستان نائب وزيراعظم په اسلام آباد كښې وزيراعظم انوار الحق کاکړ، د تجارت وزير، د خزانې او اقتصادي چارو وزير٬ د مواصلات وزير٬ د رېلوېز وزير٬ د منصوبه بندۍ وزير او د نېشنل فوډ سېكورټي اېنډ ريسرچ وزير سره ملاقاتونه كړي چې پكښې د تجارت، رابطو، زراعت، ټرانسپورټ او د دفاع په څانګه كښې دوه اړخيزه مرستې ته پراختيا وركول شامل وو۔ وياندې ووئيل د افغانستان د عبوري حكومت وزير د خپلې دورې په مهال خارجه وزير جليل عباس جيلاني سره ملاقات كړے۔ خارجه وزير افغانستان سره اړيكو ته وده وركولو لپاره د پاكستان د قوي عزم پخلے وكړو او سيمه ايز انضمام لپاره ئې د تجارت او په رابطو د اضافې امكانات رامخئ ته كړه۔ وياندې ووئيل د سلامتيا او پرمختګ ترمېنځه په تعلق زور رواړلو سره خارجه وزير د افغانستان لخوا د ترهګرو ډلو په خاص توګه د ټي ټي پي په ضد په كوټلې كاروائيو زور رواړو۔ ده دې مقصد لپاره افغان عبوري حکومت سره مرستې لپاره د پاکستان د امادګۍ هم څرګندونه وكړه او د تعميري خبرو اترو د لارې د دواړو هېوادونو ترمېنځه د مسئلو حل لپاره د ئې پاكستان د عزم پخلے وكړو
وړومبے د پاکستان-افغانستان-ازبکستان په درې اړخيزه غونډه كښې د خبرو اترو محور د ټرانزټ ټرېډ آسانولو د لارې تجارتي اړيكو ته وده وركول وو۔ د خارجه دفتر ويانده ممتاز زهره بلوچ
مضمون کا ماخذ : بفیلو بلٹز
متعلقہ مضامین
