اسلام آباد 22 اګست (اے پي پي) د پاك پوځ ډلې سندھ٬بلوچستان او د پنجاب سېلاب ځپليو سيمو كښې د سول انتظاميې پرله پسې مرسته كوي٬د پوځ ډلې په رېسكيو او د مرستې په هلو ځلو كښې بوښتې دي او خلق محفوظ ځايونو ته منتقل كوي۔د آئي اېس پي آر له مخې د پاك پوځ مېډيكل ډاكټران او پيرامېډيكل ډلې د سېلاب ځپليو علاج كوي٬په ځپليو خلقو كښې راشن او تياره ډوډۍ هم تقسيموي۔په سندھ كښې د سېلاب ځپليو حفاظت لپاره د پاك پوځ ډلې د خيرپور او د سندھ صائم ناله سېلاب له امله ځپليو سيمو ته رسېدلې دي۔د خېبرپور سندھ په صائم ناله سيمه كښې د سخت باران له امله د 200 څخه زيات كورونه ځپلې شوي٬د پنو عاقل ګيريژن پوځي ډلو د مرستې په كاروائيو كښې برخه اخستې او د سېلاب له امله ځپلي كسان يې محفوظو ځايونو ته منتقل كړي او هغوي ته يې طبي مرسته وركړې۔په بلوچستان كښې د پاك پوځ او اېف ډلې بلوچستان٬كوئټه٬پشين٬قلعه سېف الله ٬زيارت٬ژوب٬لورالائي او نوشكي كښې د سېلاب څخه رېسكيو او د مرستې كاروائيو كښې د سول انتظاميې مرسته روانه ساتلې ده ۔پاك پوح٬اېف سي٬پي ډي اېم اے او د سول انتظاميې ډلې خلق محفوظو ځايونو ته منتقل كوي چرته چې هغوي ته ته تياره ډوډۍ او نورې آسانۍ وركولې كېږي۔په پنجاب كښې په وهاړي٬راجن پور او ډېره غازي خان كښې د پاك پوځ ډلې د مرستې هلو ځلو او ځپلې آبادۍ ته طبي مرسته وركوي
د پاك پوځ ډلې سندھ٬بلوچستان او د پنجاب سېلاب ځپلو سيمو كښې د سول انتظاميې پرله پسې مرسته كوي۔آئي اېس پي آر
مضمون کا ماخذ : نتیجہ میگا سینا
متعلقہ مضامین
