اسلام آباد 19 مئي (اے پي پي) د اطلاعات او خپرونو وزير مملكت فرخ حبيب وئيلي دي وزيراعظم عمران خان د آبي پانګو جوړولو او د پن برېښنا منصوبو ته پام لرنه كوي ٬ د مومند بند جوړېدو سره به 800 مېګاٶاټ برېښنا او 12 لكه اېكړه فټه اوبه ذخيره شي او دې سره به 17 زره اېكړه زمكه د كروندې جوګه شي٬ په دې منصوبه كار په سمتبر كال 2019 كښې پېل شوے او په نومبر كال 2025 كښې به بشپړېږي۔ د شورو په ورځ د وزيراعظم د مومند بند دورې پحقله خپل ټويټ كښې فرخ حبيب ووئيل وزيراعظم عمران خان به د مومند بند د سائيټ دوره كوي او د روانو كارونو به جاج اخلي۔ فرخ حبيب ووئيل مومند بند هائيډرو پاور پراجيکټ ، ديامر بھاشا، داسو هائيډرو پاور ،کرم تنګي ډيم ملټي پرپز ، تربېلا ففتھ توسيعي منصوبه، برپو هائيډرو پاور پراجيکټ ،سندھ بېراج پراجيکټ، ګريټر کراچي بلك واټر سپلائي سکيم (K-4 )، کچي کينال پراجيکټ او نوې ګنجي پراجيکټ بشپړېدو سره به په مجموعي توګه يو كروړ 29 لكه اېكټره فټه اوبه ذخيزه شي٬ 9 زره مېګاٶاټ برېښنا پېداروار سره سره به 91 زره 917 اېكړه اضافي زمكه اوبه شي او د 35 زره نه د زياتو نوكرو موقعې به راپېدا شي۔ خپل ټويټ كښې فرخ حبيب ووئيل شاهي بالا رېګي للمه كښې لېبر کمپليکس فيز 1 بشپړ شوے چې ورسره د حكومت يو بل لوظ تر سره شوے ٬ دا پروژه په 5.09 اربه روپو لګښت بشپړه شوې ۔ دغسې د 2 زره 56 اپارټمنش پرانسته به وزيراعظم عمران خان پخپله كوي
وزيراعظم عمران خان د آبي پانګو جوړولو او د برېښنا منصوبو ته پام لرنه كوي ۔ وزير مملكت فرخ حبيب
مضمون کا ماخذ : کوئٹہ لاٹری
متعلقہ مضامین
