اسلام آباد۔20 اکتوبر(اے پی پی) د ضلعي انتظاميې لخوا په ډينګي د قابو موندلو هڅو باوجود وفاقي پلازمينه كښې د ډينګي كيسونه مخ په زياتيدو دي۔ د روغتون ذريعو وئيلي دي چې په پولی کلینک روغتون كښې 20، سی ډی اے روغتون كښې 25 او په پمز كښې 72 رنځوران داخل دي۔ دغسې په قائداعظم روغتون كښې د 63 او فېډرل جنرل روغتون كښې د 12 رنځورانو درملنې روانې دي۔ تر تېرې اونۍ په پېنډۍ كښې د ډينګي ټول 3,220 او اسلام آباد كښې 2,276 کېسونه ريكارډ كړې شوي دي٬ دغسې چارواكو ته د ښار په بېلو برخو كښې د ډينګي لاروا 1,143 مثبت نمونې هم ترلاسه شوي دي كومې چې د دې رنځ شتون په ګوته كوي۔ ضلعی انتظامیې د ډينګي خپرېدو مخنيوي له د ښار په بېلو سيمو ډھوک حېدری، کورال او سرائے خربوزہ ، ترلائی، مهربان ټاؤن، ای الیون او ډھوک عباسی كښې د فيوميګېشن آپرېشن تند كړے دے۔ دې په وګړو زور راوړو چې كه چرې د هغوي سيمې پاتې شوې وي نو اطلاع دې وركړي دغسې چې بشپړه كورېج ترلاسه كړې شي۔ د ګرد هېواد په روغتونونو كښې په دې رنځ اخته رنځورانو له خصوصي وارډونه هم جوړ كړے شوي دي۔ دې سره سره ایډیشنل ډپټی کمشنر (اے ډی سی) ایسټ، مہرین بلوچ د ډينګي رنځورانو ته د وركړې كېدونكو آسانيو جاج اغستلو له د يو شمېر روغتونونو دوره وكړه۔ دې ووئيل ۔ضلعی انتظامیه د ډينګي په ستونزه د قابو موندلو او د وګړو د تحفظ عزم لري٬ د ډينكي مخنيوي او درملنو دواړو لپاره پرله پسې هڅې كيږي۔
د ضلعي انتظاميې لخوا په ډينګي د قابو موندلو هڅو باوجود وفاقي پلازمينه كښې د ډينګي كيسونه مخ په زياتيدو دي
مضمون کا ماخذ : میٹھا بونانزا
متعلقہ مضامین
.jpg)
