اسلام آباد 28 مارچ (اے پي پي) وزيراعظم عمران خان وئيلي دي چې د خپل كور سكيم په نتيجه كښې به په هېواد كښې د تعميراتو په څانګه كښې انقلاب راشي، دا پروژه به د پاكستان اولس ته د خپل كور، د روزګار موقعو، د هېواد په دولت كښې د اضافې او د معيشت د ودې سبب وګرځي، د هېواد سباٶن لپاره دا مهمه پروژه ده، د سټېټ بانك او نېشنل بانك مشران دې د اولس ستونزې ختمولو لپاره اقدامات وكړي. وزيراعظم دا خبرې د اتوار په ورځ هاٶسنګ ټيلي تهان ته په ټيليفونك خطاب كښې وكړې. په دې موقع په سټوډيو كښې د اطلاعاتو او خپرونو وفاقي وزير سېنېټر شبلي فراز، د نوي پاكستان هاٶسنګ اتهارټۍ چيئرمېن ، د سټېټ بانك ګورنر رضا باقر او د پاكستان د نېشنل بانك صدر هم موجود وو. خلقو په دې موقع نېغه په نېغه ټيليفون وكړو او وزيراعظم ئې د ستونزو نه خبر كړو. وزيراعظم ووئيل چې په پاكستان كښې په وړومبي ځل داسې خلقو ته موقع وركولې شي كوم چې د خپل كور اخستلو صلاحيت نه لري، دوي ته موقعې وركولې شي چې كوم رقم دوي د كورونو د كرايه په مد كښې وركوي، هم هغه قسط ادا كړي. ده ووئيل چې په اروپا او امريكا كښې هم داسې د بانكو نه قرض ترلاسه كولو سره كورونه اخستل كېږي خو په پاكستان كښې دا رواج نه و. مونږ په وړومبي ځل دا شروع كړو. ده د پاكستان د سېټېټ بانك ګورنر رضا باقر او د نېشنل بانك صدر ته هدايت وكړو چې د قرض ترلاسه كولو په لار كښې ستونزې دې ختم كړې شي او اولس لپاره دې اسانيې پېدا كړي. ده د سټېټ بانك ګورنر ته تاكيد وكړو چې هغه دې د ټولو بانكونو مشرانو ته ووائي چې بانكونه دې خلقو لپاره اسانيې پېدا كړي. وزيراعظم ووئيل چې د دې نه وړاندې داسې چا هم نه دي كړي، چې كومې ستونزې رامخې ته كېږي ، پوره كولو لپاره به ئې هڅې كول وي. وزيراعظم ووئيل چې په وړومبي ځل موقع په لاس راځي چې هر څوك خپل كور ولري. ده ووئيل چې كله دا پروژه روانه شي نو دې سره به په ټول هېواد كښې د تعميراتو په څانګه كښې انقلاب راشي. ده ووئيل چې په ټوله نړۍ كښې داسې كېږي چې كورونو لپاره په مورګېج پالېسې عمل كولې شي. ده ووئيل چې دا پروژه په هر لحاظ د هېواد سباٶن لپاره مهمه پروژه ده. وزيراعظم ووئيل چې مونږ د يو كال نه دې پروژوې لپاره هڅې كوو ، د دې په لار كښې خنډونه مو لرې كړي دي. ده رضا باقر او د نېشنل بانك صدر ت هدايت وكړو چې نېنشل بنك پرېميئر بانك دے، تاسو پوره هڅې كولو سره د خپلې عملې تربيه وكړئ ، د بانك عمله په دې لړ كښې تياره نه ده، هغه تيارول دي. د يوې پوښتنې په ځواب كښې وزيراعظم ووئيل چې زمونږ پوره هڅه ده چې كونډو او خاص كسانو ته په دې پروژه كښې ترحيج وركړې شي، مونږ به پوره هڅې كوو چې د دې طبقې مرسته وكړې شي.
د خپل كور سكيم په نتيجه كښې به په هېواد كښې د تعميراتو په څانګه كښې انقلاب راشي، دا پروژه به د پاكستان اولس ته د خپل كور، د روزګار موقعو، د هېواد په دولت كښې د اضافې او د معيشت د ودې سبب وګرځي. د وزيراعظم عمران خان هاٶسنګ ټيلي تهان ته ټيليفونك خطاب
مضمون کا ماخذ : تھنڈرسٹرک II
متعلقہ مضامین
