اسلام آباد۔1 اپرېل (اے پی پی) د منصوبه بندۍ ٬ پرمختګ ٬ اصلاحات او خصوصي اقدامات وفاقي وزير احسن اقبال وئيلي دي چې كوم دښمن ته به د سي پېك اغېزمن كولو اجازه كله هم ورنكړې شي۔ د سي پېك په اړه خپله مركه كښې وفاقي وزير ووئيل كوم چينائي ورونړا خوېندې چې پاكستان كښې په پرمختيائي منصوبو كار كوي هغوي زمونږ مېلمانه دي۔ ده ووئيل حكومت خپلو وګړو ته تحفظ وركوي او دې څخه څو چنده زيات وسائل او تحفظ خپلو چينائي ورونړو خوېندو له وركوي۔ پروفېسر احسن اقبال ووئيل د سي پېك دښمنان به په سي پېك د بريد كولو هڅې كوي خو د پاكستان او چين په عزم كښې به هېڅ كمې رانشي۔ ده ووئيل د سي پېك لاندې به 5 نوې كورېډورز جوړولې شي۔ وفاقي وزير ووئيل حكومت ايرن سره د ټرانسمشن لائن منصوبه بشپړ كړې ده۔ مکران کوسټ په اولني ځل نېشنل ګرډ سره تړلے شوے دے۔ د اوبو په روانو منصوبو مو كار په 6 مياشتو كښې بشپړ كړو۔ ده ووئيل تېر حكومت په 4 كاله كښې ګوادر پورټ صفا كړې نه وو چې له امله يۍ لويې جهازونه نه لنګرانداز كېدل٬ په 16 مياشتو كښې په دې يو وارې بيا ډي سلټنګ پېل كړې شو كوم چې اوس بشپړ شوې دې او اوس ګوادر يو وارې بيا ژوره بندرګاه جوړه شوې ده۔ دې اقداماتو سره د چينائي مشرتابه په پاكستان باور بحال شو او په 10 كلونو سي پېك دستورو كښی په پاكستان كښې د 5 نوې كورېډو په جوړولو خبره وشوه۔ دا ټولې منصوبې تر كال 2018 بشپړ كړې شوې وې۔ د كال 2020 څخه تر 2025 موده په صنعتي همكارۍ مشتمله وه۔ دې لپاره 9 اکنامک زونز په كال 2018 كښې تشكيل كړې شوي وو په كومو چې تر كال 2020 كار بشپړ كول وو۔ ده ووئيل د بده مرغه په تېر دور كښې په دغه اكنامك زونز كار بشپړ نه شو چې له امله يۍ سرمايه كار بېرته لاړل۔ ده ووئيل د پاكستان چې كوم مقام مونږ جوړ كړے وو هغه ختم شو۔
د سي پيك اغيزمن كولو اجازه به كله هم ورنكړؤ ٬ احسن اقبال
مضمون کا ماخذ : لاٹری کی موبائل ایپ
متعلقہ مضامین
