اسلام آباد 02 اګست (اے پي پي)په جمو او كشمير د هند غېر قانوني او غاصبانه تسلط د مهذب قامونو ٬ نړيوال امن او د بشري حقونو دعويدارو په مخ يو بدنما داغ دے دغسې د نړيوالو طاقتونو او اثر لرونكو هېوادونو دوه ځائيز كردار د هند لپاره په جمو او كشمير كښې د بشري حقونو خلاف ورزو او په بې ګناه وګړو د ظلمونو كولو لاره سمه كړې۔د هند قابض عسكر په جمو او كشمير كښې د خپلواكۍ حق لپاره هلې ځلې كوونكې ځوانان د عدالت نه غېر وژني ٬ وګړي نيسي٬تشدد كوي ٬د مېرمنو سپكاوے او كوچنيانو په نخښه كوي٬هند دې مجبور كړے شي چې د ملګرو ملتونو قراردادونو پاسداري وكړي٬د نړيوالې ورورولۍ خاموشۍ هند له د آئين آرټيكل 370 او 35A منسوخ كولو سره د كشميريانو محكومولو ايجنډې مخ په وړاندې بوتللو ترغيب وركړے۔د هند واكمن بي جے پي ګوند د آرټيكل 370 منسوخ كولو سره د جمو او كشمير د وګړو شهريت٬د جائيداد ملكيت او د رهائش بنيادي حقونه غصب كړې۔د دې قانون له مخې د هند وګړو په جمو او كشمير كښې جائيداد نه شو اخستلے٬د هند مركزي حكومت سره په سيمه كښې د مالياتي ايمرجنسي اعلانولو هېڅ اختيار نه ؤ ٬بي جے پي د آرټيكل 35A هم منسوخ كړے كوم چې د كشمير مقننه له د دې پريكړې كولو بشپړ صوابديدي اختيار وركړے چې هر څوك د رياست مستقل استوګن كېدے شي٬اكتوبر 1947 كښې په كشمير د قبضې نه پس د هند د اړخه دا ډول كاروائۍ يو ناوړه تاريخ دے۔مهارجه هري سنګه په نام نهاد الحاق لاس ليك كړے۔د دې نه پس هند د خارجه٬دفاع او مواصلات چارې هندي حكومت ته په منتقل كولو خوښي څرګنده كړې۔شېخ عبدالله د وزيراعظم په حېث د تقررۍ نه پس د هندي حكومت سره د جمو او كشمير په خصوصي حېثيت خبرې كړي چې په نتيجه ګښې يې په 1954 كښې آرټيكل 370 او د دې نه پس آرټيكل 35A د هند په آئين كښې شامل كړے شوے۔د نيمې وچې وېش فارمولې ترمخه د هندوانو اكثريتي سيمه د هند دغسې د مسلمانانو اكثريتي سيمه د پاكستان سره شاملول وو خو مهارجه هري سنګه د كشميريانو د خوښې په ضد د هند سره د الحاق پريكړه كړې وه چې ځايې آبادي د دغې پريكړی په ضد په راپورته كولو مجبور شوې چې په نتيجه كښې يې د هند او پاكستان ترمينځه جنګي صورتحال پیدا شو او د هغه وخت د هند وزيراعظم جواهر لال نهرو بيان كړی پالېسي دا وه چې په كومه سيمه كښې څه شخړه وي نو د هغې پريكړه به د رايو شمېرې د لارې كولې شي۔ده دا وئېلي وو چې مونږ به د دغسې كوم هم ريفرنډم نتيجه نه قبلوو۔نوموړي كشميري لارښود او وګړي په زندانونو كښې اچولے شوي او ځوانان په جعلي مقابلو كښې شهيدان كړے شوي ٬پاكستان عمر له د كشمير شخړې امن ناكه حل له چمتو دے٬ د دواړو هېوادونو ترمينځه څو وارې خبرې هم شوي خو په هغې هېڅ پېشرفت نه دے شوے٬دغسې هندي عسكرو د اړخه په لائن آف كنټرول بريدونه شوي يا پاكستان ته د داخلېدو نور سازشونه هم شوي٬په لائن آف كنټرول په 2003 كښې د جنګ بندۍ لوظ نامه شوې چې په نتيجه كښې يې څه مودې لپاره په لائن آف كنټرول په عارضي توګه تاؤ تريخوالے كم شوے ؤ ٬په 2005 كښې د سرينګر او مظفرآباد ترمينځه بس سروس پیل شوے ؤ ٬په سيمه كښې د زلزلې نه پس تجارت لپاره د كنټرول لائن دواړه اړخه د تګ راتګ اجازه وه۔هند كښې په 2014 كښې د ټاكنو نه پس د جنتا پارټۍ كاميابۍ نه پس صورتحال نور خراب شوے او بي جے پي په هندوتوا ايجنډا عمل پیل كړے دغسې هند د جمو او كشمير لارښود او د تحريك آزادۍ كارمندان نيولي٬په 2016 كښې د برهان واني شهادت تحريك له لا وده وركړې٬په اوسنو كښې د هند پوځ د كشميريانو په ضد په لويه توګه عمليات كړي او د رياستي ترهه ګرۍ سلسله يې پېل كړې۔په 2019 كښې په كنټرول لائن راوړېدلو سره د پاكستان په فضائي حدود كښې د هند جنګي الوتكو درآندازي كړی وه٬ به فروري 2019 كښې د هند د دغې بريد په مهال پاكستان د هند دوه جنګي الوتكې رانسكورې كړی او د هغوي ونګ كمانډر آبهي نندن نيولے شوے ؤ ٬ د دې نه پس پاكستان د خېرسګالۍ جذبې په توګه هغه خوشې كړو٬۔
د هند غېر قانوني په جمو او كشمير غاصبانه تسلط:د تاريخ تور باب او د مهذبه قامونو٬نړيوال امن او د بشري حقونو دعويدارو په مخ بدنما داغ
مضمون کا ماخذ : میگا سینا اکمولاڈا
متعلقہ مضامین
