اسلام آباد۔30ستمبر(اے پی پی) وزيراعظم محمد شهباز شريف جاپاني كمپنو ته د سولر انرجۍ او نورو څانګو كښې د سرمايه كارۍ بلنه وركړې او وئيلي ئې دي چې په هېواد كښې د سولر انرجۍ څخه د لس زره مېګاواټه برېښنا پېدا كولو منصوبه په بېړنۍ توګه پېل كېږي٬ د حكومتي ودانيو٬ تجارتي مركزونو او ټيوب ويلونو شمسي توان ته اړولو سره قيميت زرمبادله بچ كېدې شي۔ ده د دې خيالاتو څرګندونه د جمعې په ورځ د جاپان د اقتصاد، تجارت او صنعت لپاره د جاپان د پارلماني مرستيال وزير ستومي ريوجي په مشرۍ كښې په پاكستان كښې د جاپاني كمپنيو له پلاوي سره د خبرو په مهال وكړه۔ د سرمايه كارۍ بورډ وفاقي وزير چوهدري سالك حسېن، د تجارت وفاقي وزير سيد نويد قمر، د صنعت او پيداوار وفاقي وزير سيد مرتضيٰ محمود، د خزانې وزيره ډاكټر عائشه غوث پاشا، د وزيراعظم خاص مرستيال سيد طارق فاطمي د لوړپوړو حکومتي چارواکو نه علاوه په پاکستان کې د جاپان سفیر وادا ماتسوهي هم په ملاقات كښې ګډون كولو۔ وزيراعظم ووئيل پاكستان د سولر انرجي، د څښاك د پاكو اوبو رسولو، د ګندا اوبو د ويستلو او د كچرې ذخيره كولو په څانګو كښې د جاپان سرمايه كارۍ غواړي۔ ده ووئيل پاكستان د نوي كولو وړ انرجي منابعو لكه سولر، ونډ او هائيډل استعمالولو په لور په تېزۍ سره روان دے ځكه چې د تېلو، ګيس او نورو موادو په واردولو كښې د زياتې بهرنۍ زر مبادلې لګول زمونږ په اقتصاد باندې د نه زغملو وړ فشار اچوي۔ هغه ووئیل پاکستان پلان لري چې د لمریزې انرژۍ څخه لس زره میګاواټه بریښنا تولید کړي۔ د دې مقصد لپاره حكومت نه يوازې د سرمايه كارۍ موثره منصوبه تياره كړې ده بلكې د ټولو اسټك هولډرز ترمينځه د بولۍ نه وړاندې يو كنفرنس هم رابللې شوے دے۔ وزيراعظم جاپاني كمپنو ته د سرمايه كارۍ بلنه وركړه او هغوي ته ئې د هر ډول اسانتياو او آسانۍ باور وركړو۔ وزيراعظم په پاكستان كښې د ورستيو تاريخي سېلابونو له وجې شوې تباهۍ او د قيمتي ځاني زيانونو لپاره د جاپان د حكومت او اولس د خواخوږۍ او مالي مرستې لپاره د 70 لكه ډالره ډالرو د مرستې مننه وكړه۔ وزيراعظم په دې موقعه په پاكستان کښې د جاپاني کمپنیو د کاروبار د ستونزو په ترجيحي بنيادونو حل لپاره د اړوندو ادارو چارواكو ته احكام هم جاري كړل
وزيراعظم شهباز شريف سره د جاپاني كمپنيو پلاوي ملاقات ٬ د شمي توان ٬ د څښلو پاكو اوبو رسنې او د ګندا اوبو نكاسۍ په څانګو كښې د جاپان لخوا سرمايه كارۍ كښې خوښي لرؤ٬ وزيراعظم
مضمون کا ماخذ : خون چوسنے والے II
متعلقہ مضامین
.jpg)