اسلام آباد۔22اپرېل(اے پی پی) پاکستان آئي ایم ایف څخه نوے پور اغستل غواړي٬ د خصوصي سرمایه کاری سهولت کونسل د لارې بهرنيو هيوادونو څخه سرمايه كارۍ ته وده وركولې شي٬ روپۍ اوس مستحكمه ده او هيله ده چې د راروان كال تر پايې به ګراني سنګل ډيجټ ته راشي ، مېکرو اکنامک عوامل د پاكستان په حق كښې بدلېږي ولې چې پاكستان خپل معيشت ته وده وركولو له كار كوي۔ دا خبره ده د متحدہ عرب امارات انګلېسي ورځپاڼې ’’دی نېشنل نیوز ‘‘ ته په واشنګټن كښې وركړې مركه كښې وكړه۔ ده ووئيل پاکستان نړيوال مالياتي فنډ څخه د نوي قرض اغستو په لاره روان دے٬ د پاكستان كرنسي مستحكم شوې او هيله ده چې د راروان كال تر پايې به ګراني سنګل ډيجټ ته راشي۔ ده ووئيل آئي اېم اېف په يو لوي او د اوږدې مودې په پروګرام غور كولو كښې خوښي لرلې۔ ده ووئيل د قرض د حتمي تفصيلات تعين به هغه وخت كولې شي كله چې د آئي اېم اېف مشن راروانه مياشت د اسلام آباد دوره وكړي۔ ده ووئيل د پاكستان 230 ملین آبادۍ كښې نزدې په درې كښې دوه برخې آبادي 30 كالو څخه د كم عمر ده٬ د هېواد معيشت زياتو مسئلو سره مخ دے خو موجوده حكومت راتللو سره د هېواد معيشت په غوره لاره روانولو له يوه تګلاره وضعه كړې ۔ ده ووئيل په كال 2022 كښې د موسمياتي بدلون په نتيجه كښې د راغلې سېلاب د لاسه نزدې د 30 اربه ډالرو نه ترسره كېدونكې زيان وشو۔ ده ووئيل د ټېكس او توان په شمول په بېلو څانګو كښې اصلاحاتي ايجنډا مخ په وړاندې روانولو له پاكستان لږ تر لږه درې كاله مودې ته اړتيا لري٬ بهر هېوادونو كښې مېشته پاكستاني وګړي پېسې كورونو ته لېږي٬ نزدې 10 لكه پاكستانيان په متحده عرب امارات كښې دي۔ ده ووئيل نړيوال بېنك د روان كال په دسمبر مياشت كښې په ترسيلات زر كښې د 10 فيصده كمۍ پېشنګوئي كړې ده ووئيل بهر هېوادونو څخه په ادائيګو كښې زياتوالې كيږي او هيله ده چې د روان مالي كال په مهال دا تر 29 بلين ډالرو ورسي۔ ده ووئيل د ترسيلات زر راتللو سره به پاكستان ته د خپلې روپۍ مستحكم كولو له مرسته ترلاسه شي د كومې قدر چې د كورونا وائرس نړيوالې وبا څخه وروستو د ډالر په مقابل كښې تر 40 فيصده كم شوے ۔ اوس روپۍ مستحكمه كيږي او د دې لا مستحكمولو له ګامونه پورته كولې شي۔ ده ووئيل سعودي خارجه وزير شهزاده فېصل بن فرحان تېره اوونۍ د پاكستان دوره وكړه چې مقصد يۍ سعودي سرمايه كاري زياتول وو۔ د چين په اړه ده ووئيل د چین پاکستان اقتصادي راھدارۍ (سی پېک) دلارې په پاكستان كښې زياته سرمايه كاري شوې ٬ پاكستان په خصوصي اقتصادي زونز كښې د برآمدات زياتولو په شمول منصوبو ته حتمي شكل وركړے۔ ده ووئيل هيله لرؤ چې د دې منصوبې په دويم پړاؤ به پېشرفت اوشي دغسې چې مونږ د سی پیک ریونیو پیدا كونكې برخې سره مخ په وړاندې لاړ شؤ۔
پاکستان آئي ایم ایف څخه نور پور اغستل غواړي٬ د خصوصی سرمایه کاری سهولت کونسل د لارې بهرنيو هيوادونو څخه سرمايه كارۍ ته وده وركولې شي ٬ د خزانې وفاقي وزير محمد اورنګزیب ’’دی نيشنل نیوز‘‘ سره مركه
مضمون کا ماخذ : لاٹری نمبر کا انتخاب
متعلقہ مضامین
.jpg)
.jpg)