کراچی۔8جنوری (اے پی پی) وزیر??عظ?? محمد شہباز شریف آکھیا جو ملک اچ معاشی استحکام دے بعد اساݙا ہدف معاشی نمو اے، اڑان پاکستان ایندی ہک کڑی اے جئیں نال ملک اچ معاشی اتے سماجی ترقی تھیسی۔ اے ڳالھیں انہاں بدھ کوں پاکستان اسٹاک ایکسچینج دے دورہ دے موقع تے 2024 اچ دنیا دی ݙوجھی بہترین کارکردگی دی اسٹاک ایکسچینج دا اعزاز حاصل کرݨ دی تقریب توں خطاب کریندیں ہوئیں آکھی۔ وزیر??عظ?? سٹاک ایکسچینج دی بہتر کارکردگی تے مبارخ ݙیندیں ہوئیں آکھیا جو ملکی معیشت مستحکم تھیندی پئی اے اتے ہݨ اساکوں میکرو سطح تے استحکام کوں معاشی نمو اچ بدلݨے۔ وزیر??عظ?? آکھیا جو معاشی ترقی اساݙا ہدف اے اتے ہک چیلنج وی اے جئیں کیتے سرمایہ کاراں اتے کاروباری برادری دی تجویزاں ٻہوں اہم ہن۔ وزیر??عظ?? شہباز شریف آکھیا جو کراچی روشنیاں دا شہر اے اتے اساݙی تجارت، مالیت اتے برآمدات دا مرکز اے اتے ایں شہر دے سرمایہ کاراں دی تجویزاں اتے آراء اساݙی ترقی کیتے ٻہوں فیدہ مند ہن۔ انہاں آکھیا جو گزریل چھی مہینے اچ آئیم ایم ایف دا ہدف جی ڈی پی دے تناسب نال 10.5 فیصد ہئی پر اساں 10.8 ف??صد حاصل کر ڳھدے۔ ??نہاں پالیسی ریٹ اچ 22 فیصد توں 13 فیصد تئیں ڳھٹکی تے خوش تھیندیں ہوئیں عزم کیتا اساں اینکوں ٻیا تلے ڳھن ویسوں۔ انہاں آکھیاجو جݙاں ویلھا امسی اساں آئی ایم ایف پروگرام کوں خیرآباد آکھ ݙیسوں۔ انہاں زراعت، کاناں اتے معدنیات دے شعبیاں دا حوالہ ݙیندیں ہوئیں آکھیا جو اساݙی سرزمین دے تلوں کھرباں ڈالر دے قدرتی وسائل موجود ہن۔ وزیر??عظ?? آکھیا جو حکومت کوں ایں بارے تساݙے تعاون اتے رہنمائی دی لوڑھ اے۔ ??نہاں آکھای جو اتھ وݙے وݙے تاجر اتے سرمایہ کار موجود ہن جو لکھاں لوکاں کوں روزگار اتے ٹیکس ݙیندن۔ ایں توں پہلے نائب وزیر??عظ?? اتے وزیر خارجہ سینیٹر اسحاق ڈار تقریب توں خطاب کریندیں ہوئیں آکھیا جو وزیر??عظ?? محمد شہباز شریف دی قیادت اچ ملکی معیشت سدھے پاسے ویندی پئی اے۔ ٻاہرلے اداریاں تے انحصار ڳھٹ کرݨ کیتے مقامی کیپیٹل مارکیٹ کوں مضبوط کرݨے۔ نائب وزیر??عظ?? آکھیا جو 9 سال پہلے لاتا ڳئیا ساری سٹاک مارکیٹاں کوں کٹھا کرݨ دا پودا ہݨ وݨ ٻݨ ڳئے۔ ??نہاں آکھیا جو وزیر??عظ?? دی اڳواݨی اچ پاکستان بین الاقوامی برادری اچ آپݨا ونڄیا مقام ولا ڳھنسی۔ جینویں جو 27 سال بعد پاکستان شنگھائی تعاون تنظیم (ایس سی او) دا وݙا ایونٹ کرایا ڳئے۔ وفاقی وزیرخزانہ ومحصولات سینیٹر محمداورنگزیب آکھیا جو ملک کوں پائیدار نمو آلے پاسے ڳھن ونجݨ اچ سٹاک مارکیٹ دا کردار اہمیت رکھیندے، پاکستان سٹاک مارکیٹ اچ سرمایہ کاراں دے اعتماد کوں نشابر کریندی اے۔انہاں آکھیا جو ڈھانچہ جاتی اصلاحات بارے پالیسی سازی اتے انہاں تے عمل درآمد تے اساݙی توجہ اے۔ ڈیجیٹلائزیشن بارےکم تھیندا پئے۔ ??ساں وفاقی حکومت دے خرچ اتے حجم اچ ڳھٹکی تھیندی پئی اے، 42وزارتاں اتے400منسلک اداریاں دا جائزہ ڳھندا پئے۔ ??نہاں آکھیا جو پاکستان سٹاک ایکسچینج گزریل ہک سال اچ بہترین کارکردگی ݙکھائی اے۔ ??نڈیکس اچ 65 ہزار پوائنٹس دا ودھارا تھیے اتے ٻئی بہتری امدی پئی اے۔ ??نہاں آکھیا جو ملک دا انحصار ملک دی بینکنگ دی صنعت تے اے، انہاں آکھیا جو سٹاک مارکیٹ اچ ٹیکسیشن بارے مسئلیاں کوں حل کر ڳھدا ویسی۔ ایں توں پہلے پاکستان سٹاک ایکسچینج دے چیف ایگزیکٹوآفیسرفرخ سبزواری آکھیا جو کلی معیشت دے استحکام اتے پالیسی ریٹ اچ ڳھٹکی نال پاکستان سٹاک ایکسچینج اچ نشابر بہتری آئی اے۔ ??ساں چینی سانجھے داراں دا وی شکریہ ادا کریندوں۔ انہاں آکھیا جو سٹاک مارکیٹ ہک سال اچ اسی فیصد دا ریٹرن ݙتے جو مارکیٹ دی بہترین کارکردگی کوں نشابر کریندے۔ ??ساݙی کوشش اے جو مارکیٹ کیپٹلائزیشن کوں 100 ارب ڈالرتئیں پجایا ونڄے۔ایں موقع تے گورنرسندھ کامران ٹیسوری، وزیراعلیٰ سندھ، سید مراد علی ??اہ، وفاقی وزیراطلاعات ونشریات عطا اللہ تارڑ، وزیر مملکت علی پرویز ملک ، کراچی دی بزنس کمیونٹی دے نمائندے اتےاعلیٰ حکام وی موجود ہن۔
ملک اچ معاشی استحکام دے بعد اساݙا ہدف معاشی نمو اے، وزیراعظم شہباز شریف دا اسٹاک ایکسچینج اچ تقریب توں خطاب
مضمون کا ماخذ : میٹھا بونانزا
متعلقہ مضامین
