پیښور 09 فروري (اے پي پي) د اطلاعات او خپرونو وفاقي وزير چوهدري فواد حسېن وئېلي دي شهباز شريف او مريم نواز د هېواد څخه تښتېدل غواړي ځكه چې هغوي د عدم اعتماد تحريك رامخې ته كولو ډارمه جوړه كړې٬د قام لوټ كړے دولت بېرته وركولو نه بغېر مونږ هغوي له د بهر تللو اجازه نشو وركولې٬د اپوزېشن په ګوندونو كښې سياسي ماشومان ناست دي٬د هغوي د ګوندونو دننه خپل ريسرچ او سوچ نشته٬ د كال 1947 نه تر 2006 زمونږ ټوله قرضه 6 ټرېلين روپۍ وه٬ د 2008 نه پس نواز شريف او زرداري خپلو لسو كلونو كښې 23 ټريلين قرضه اخستې ٬په راتلونكو دوو كلونو كښې مونږ له 18 بلين ډالره قرض ستنول دي٬ځكه مونږ له به اسان او ارزان قرضونه اخستل وي٬اسحاق ډار اينډ كمپني په پاكستان كښې ډي انډسټرلائزشېن كړے٬مونږ په درې نيمو كلونو كښې صنعت او كركيله په خپلو پښو اودرولې٬نن ټولې ادارې د عمران خان په وژن پوهه دي٬ټولې ادارې د حكومت ملګري دي٬دا هغه كاميابۍ ده كومه چې عمران خان او تحريك انصاف ترلاسه كړې او د دې په سبب پاكستان د استحكام پلو روان دے۔ده دا خبرې د شورو په ورځ په پېښور پرېس كلب كښې د ارواښاد رحيم الله يوسفزئي او ارواښاد ثناﺀ الله په ياد كښې د تعزيتي ريفرنس په موقع مېډيا سره په خپلو خبرو كښې وكړې۔د اطلاعات او خپرونو وفاقي وزير چوهدري فواد حسېن ووئيل رحيم الله يوسفزئي سره زما پخوانے او نزدې تعلق ؤ٬هغه د افغان چارو كارپوهه ؤ ٬د رحيم الله يوسفزئي تر ټولو لويې كار دا ؤ چې هغه به په رپورټنګ كښې انټګريټي په ځاې ساتله۔انټګريټي هر يو رپورټر لپاره مهمه ده٬چې هغه كه هر څه خيالات لري خو چې يوازې هغه رپورټ كړي كوم چې سترګو ليدلې وي۔ده ووئيل له بده مرغه د ځينې خبريالانو ذاتي خوښه او ناخوښه دومره زياته شوې چې دوي فيك نيوز وركول پیل كړي ۔ده ووئيل پاكستان په هغه يو څو هېوادونو كښې شامل دے چرته چې پرېس طاقتور او آزاد دے٬د ډېرو كمو هېوادونو داسې مثالونه وركړے كېدے شي چرته چې مېډيا دومره خپلواكه وي۔ وفاقي وزير ووئيل د ترهه ګرۍ له امله كه يو خوا ټولنې لپاره ستونزې راپېدا شوي نو ورسره پرېس كلب او خبريالانو لپاره هم ستونزې رامخې ته شوي ۔د پېښور او خېبرپښتونخوا خبريالانو د ترهه ګرۍ په ضد قربانۍ وركړي۔ده ووئيل د فري پرېس په لار كښې تر ټولو لوي خنډ زمونږ په سټركچر كښې كاركن خبريالان د اېډيټوريل پالېسۍ څخه لرې كول دي۔د مېډيا په ادارو كښې په اېډيټوريل پالېسۍ د مالكانو قبضه ده بايد د خبريالانو تنظيمونه او ريګوليټري ادارې د پرېس آزادۍ لپاره په ګډه كار وكړي۔د اطلاعات وفاقي وزير ووئيل د مېډيا ادارو 40 فيصده ګټه كړې خو د مېډيا وركرز تنخاګانې نه دي زياتې شوي۔ده ووئيل زمونږ 100 لويو كمپنو 929 ارب روپۍ ګټلي ٬ ځينې كمپنو د وزيراعظم په وېنا د خپلو ملازمانو په تنخاګانو كښې اضافه كړې٬مونږ د هغوي مننه كوو خو لا هم داسې ادارې شته كومو چې سره د ګټې د خپلو كاركنانو په تنخاګانو كښې اضافه نه ده كړې۔د اطلاعات وزير ووئيل د خېبرپښتونخوا بهادر اولس د ترهه ګرۍ مقابله كړی٬دا د ستائنې وړ ده٬زمونږ پوځ او د امنيتي ادارو ځوانانو قربانۍ وركړي٬د دوي د احسان په وجه مونږ په امن ژوند تېروو٬پاكستان كمزورے نه دے٬مونږ وړاندې هم ثابته كړې٬اوس به هم دا ثابته كړو چې مونږ كمزورې نه يو۔د يوې پوښتنې په ځواب كښې د اطلاعات ووفاقي وزير ووئيل شهباز شريف او مريم نواز د هېواد څخه تښتېدل غواړي ځكه چې هغوي د عدم اعتماد تحريك رامخې ته كولو ډارمه جوړه كړې٬د قام لوټ كړے دولت بېرته وركولو نه بغېر مونږ هغوي له د بهر تللو اجازه نشو وركولې
شهباز شريف او مريم نواز د هېواد څخه تښتېدل غواړي ځكه چې هغوي د عدم اعتماد تحريك رامخې ته كولو ډارمه جوړه كړې٬د قام لوټ كړے دولت بېرته وركولو نه بغېر مونږ هغوي له د بهر تللو اجازه نشو وركولې۔د اطلاعات او خپرونو وفاقي وزير چوهدري فواد حسېن مېډيا سره خبرې
مضمون کا ماخذ : aplicativos de apostas loteria
متعلقہ مضامین
